ქვეყანაში არსებული ვითარების ფონზე, რაც გამოწვეულია კორონავირუსის გავრცელებასთან, საქართველოს კარიტასის შინმოვლის პროექტი მუშაობას საგანგებო რეჟიმში განაგრძნობს.
ვინაიდან, ვირუსით დაინფიცირების მაღალი რისკის ჯგუფში ხანდაზმული და ქრონიკული დაავადებების მქონე ადამიანები არიან, სამედიცინო გუნდი დიდი სიფრთხილით იცავს დაწესებულ უსაფრთხოების ნორმებს და მაქსიმალურად ზრუნავს პაციენტების კეთილდღეობაზე.

პერსონალის გადაადგილება ხორციელდება ავტომანქანით უცხო პირებთან კონტაქტის მაქსიმალური შეზღუდვით და სახელმწიფოს მიერ დადგენილი წესების გათვალისწინებით.

ვირუსით ინფიცირებისა და მისი გავრცელების პრევენციის მიზნით, სამედიცინო პერსონალი, რომელიც შედის ბენეფიციართან პირდაპირ კონტაქტში იყენებს პირადი დაცვის საშუალებებს, რომლებიც მოიცავს: პირბადეს, სახის დამცავ ფარს, ერთჯერად ხელთათმანებს და საჭიროების შემთხვევაში ერთჯერადი გამოყენების სამედიცინო ხალათს.

ამ ეტაპზე, მომსახურება მიეწოდებათ მწვავე ჯანმრთელობის მდგომარეობაში მყოფ მარტოხელა მოხუცებს, რომლებიც განსაკუთრებით საჭიროებენ დახმარებას.

კვირის გამნავლობაში შინმოვლის სერვისით 40-მდე პაციენტი სარგებლობს.

ბენეფიციარებს რეგულარულად მიეწოდებათ საჭირო მედიკამენტები და ჰიგიენური საშუალებები.

შინმოვლის პერსონალი მძღოლის ჩათვლით იყენებს პირადი დაცვისა და სადეზინფექციო საშუალებებს, ხოლო სერვისის მიწოდებაში ჩართული ავტოსატრანსპორტო საშუალებების დეზინფექცია ხორციელდება ყოველდღიურად.